بسم الله الرحمن الرحيم
حلى مميز
الكل طار فيه من حلاته...
ومقاديره سهله جدا واكيد موجوده في خزانتك
انا استخدمت ذي البسكويت طعمه جدا حلو في الحلويات
ورخيص العلبه 50 فلس يعني نص ريال
في نوع بالجلوكوز ونوع بالعسل ونوع بالحليب ونوع بجوز الهند
كسريه في باديه كسرات كبيره
حطي عليه كميه من هيرشي السايل لين يتغلف البسكوت
حطيه في صينيه الحلويات
نجهز الطبقه الثانيه ...هو عباره عن 3 طبقات
في الخلاط...كوب ونص كريمة خفق...2ظرف دريم ويب...ظرف كريم كارميل...جيلاتين مذوب في ماء حار..
4كيري...واللي تحب تشيل الجيلاتين تزود الدريم ويب وعدد قطع الجبن عشان يثقل الخليط..
وذي صورة الجيلاتين للي ماتعرفه
وخلطي الخليط زين عقب ضيفي الجيىلاتين وخلطيه كم دقيقه
وعقب صبيه على البسكوت
خلي الخليط يكون كثيف شوي يعني عطيه وقته في الخلاط
دخليه الثلاجه
جهزي الطبقه الثالثه
على النار...كوبين حليب..ملعقه نسكافيه..2ملعقه كاكاو بودر..2ملعقه حليب بودر..ظرف كريم كارميل
خلطيهم زين وخليه يغلي على نار هاديه وعقب طفي النار وخليه يبرد
عقب مابرد صبيه على الطبقه الثانيه
ودخليه الثلاجه يتماسك زين وهني طلعته عقب 4 ساعات
ممممممم روووووعه ...وااااي يطيح السعابيل خاصة لو تحبين الحركات
حمدلله احب اسوي الحركات بس مااحب اكلها بس اذوقها...>>مو من عشاق السويتات
اول قطعه من نصيب بونواف..عوااافي عليك يالغالي
وذي قطعة لعيونكم الحلوة ....
وبعد وحده لكم ..
الكل اجمع على انها ...عذااااااااااااااااااااااااا اااب
وذي بعد لطلتكم الحلوة الله لايحرمني منها..
وسلامتكم....العنووود
حلا العنود مميز ولذيذ وبهر الكل والطريقة بالصور
