أنا وانتي توائم
قالوا عليا أنا وانتي توائم
لمحوا في بصة عينك عيني
لمحوا في لمسة ايدك ايدي
وف يوم غبتي بصوا في حضني لقوكي ف ضله
لقوكي في نبضة تنادي النبضة تخلي القلب يشوووووووووووووووف
وتدله
قالوا عليا أنا وانتي توائم
يمكن لما .. يمكن هما
يمكن سمعوا همسي لقمري بنادي عليه وبقوله أنا لازم
تفضل ساكن ليلها وليلي
شطها شطي وموجها ف موجي بحرها بحري
رمشها حضن يدفي البرد يداري البرد يخلي البرد
يقول للبرد كنت زمان أنا زيك لكن
رمشها خدني
قالوا الشعرا زمان يا ما كان ..
رمشها سهم سحرني وصابني
يمكن سمعوا همسك همسي
بنطق اسمك تنطقي اسمي
بحلم حلمك تحلمي حلمي
اصحي وسيبي رموشي تنام
وانا راح اكمل حلمك لازم
اعمل ايه...
قالوا عليا أنا وانتي يا عمري ..
قالوا علينا انا وانتي توائم
